دیني عالم عبدالقادر «قانت» یادې غونډې ته په خبرو کې وویل چې اوسنۍ جګړه هېڅ شرعي صبغه نه لري او په وینایې، په دې جګړه کې یوازې د افغانانو وینې تویېږي.
ده له حکومت وغوښتل چې د دیني عالمانو وژنې او ترور ودرول شي او پر طالبانو یې غږ وکړ چې ژر تر ژره اوربند وکړي.
په ورته مهال د دې غونډې نورو ګډونوالو هم له ښکېلو لورو د جګړې درېدو غوښتنه وکړه.
دا په داسې حال کې ده چې تر دې وړاندې هم د ګڼو نړیوالو او کورنیو دیني عالمانو له خوا د افغانستان جګړه ناروا بلل شوې ده.
دیني عالمان پر داسې مهال د اوربند غوښتنه کوي چې په دوحه کې د سولې په هدف دوه ورځنۍ بین الافغاني خبرې پایته ورسېدې او د نورو داسې غونډو پر جوړېدو ټینګار شوی.
