د دغه وزارت د ویاند مرستیال احمد ضیا «ضیا» د دوشنبې په ورځ کلید ته وویل، تېره شپه افغان سرتېرو او پاڅونوالو د دې ولسوالۍ د بیرته نیولو لپاره عملیات پیل کړل چې په پایله کې یې دا ولسوالي له طالبانو پاکه شوه.
هغه زیاتوي، د افغان سرتېرو او پاڅونوالو په متقابلو بریدونو کې طالبانو ته درنه مرګ ژوبله اوښتې چې پر مهال یې مولوی شاه، امیر شهیدالله، کورگل آغا او یو شمېر نور طالب قومندانان او مسولین وژل شوي دي.
تر دې وړاندې هم چخانسور، سرخ پارسا، مالستان او یو شمېر نورې ولسوالۍ له طالبانو پاکې او نیول شوې دي.
وسله والو طالبانو بیا تر اوسه په دې اړه غبرګون نه دی ښودلی.
