ددغه وزارت په خبرپاڼه کې راغلي دي چې د بهرنیو چارو وزارت په کابل کې د پاکستان سفیر څخه غوښتي چې د پېښې په تړاو د افغان حکومت اعتراض او ژوره اندېښنه د پاکستان حکومت ته ورسوي.
بهرنیو چاور وزارت له پاکستان څخه په ډاګه وغوښتل چې د پېښې عاملان وپیژني او د مجازاتو په برخه کې عاجلې کړنې ترسره او د نړیوالو میثاقونو سره سم د افغان دیپلوماتانو او د هغوی د کورنیو مصونیت او بشپړ امنیت تامین کړي.
دا په داسې حال کې ده چې پاکستان هیواد کې د افغان سفیر لور سلسله علیخیل د روان کال د چنګاښ میاشتې په ۲۵مه نیټه د جمعې پر ورځ اسلام آباد کې د څو ساعتونو لپاره اختطاف شوه، چې له سختې شکنجې وروسته خوشې شوه.
کلید ګروپ په ټویټر او فیسبوک کې وګورئ
