نوموړي همدارنګه له ټولو قانون نافذووکو ادارو غوښتي چې د پېښې پلټنه کې ګډ کار وکړي او د مجرمینو په نیولو کې له ټولو امکاناتو کار واخلي.
په همدې حال کې د پاکستان د کورنیو چارو وزیر شیخ رشید ويلي، امنیتي مسؤلین د دوو هغو ټکسي چلوونکو سره په اړیکه کې دي، چې له موټره یې په هغه ورځ کار اخیستل شوی و.
نوموړي همدارنګه ویلي چې پولیسو د افغان سفارت او کورنۍ لپاره یې بشپړ امنیتي تدابیر نیولي دي.
باید یاده شي چې د تېرې جمعې ورځ په پاکستان کې د افغانستان سفیر نجیب الله علیخېل لور سلسله علیخېل د نامعلومه وسلوالو لخوا وتښتول شوه او تر شنکجې وروسته یې پرېښې ده.
کلید ګروپ په ټویټر او فیسبوک کې وګورئ
