ددغې شوار ویاند فریدون خوځون پر خپله فیسبوک پاڼه د دغه خبر پخلی کړی او لیکلي دي چې د ملي مصالحې عالي شورا د رئيس په مشرۍ د افغانستان اسلامي جمهوریت د سولې لوړپوړي پلاوي تېر ماښام په دوحه کې د افغان سولې لپاره د امریکا له ځانګړي استازي زلمي خلیلزاد سره لیدلي.
نوموړي دا نه دي ویلي چې په لیدنه کې پر کومو موضوعاتو بحث شوی.
دا په داسې حال کې ده چې نن به د افغان حکومت او طالبانو د پلاوو ترمنځ ناسته هم ترسره شي او پر یو لړ بنسټیزو موضوعاتو به خبرې وکړي.
