ددې شورا ویاند فریدون خوځون وایي، په دې ناسته کې دواړوه مشرانو مذاکرات حل لار وګڼله او د مذاکراتو پر چټکتیا او دوام یې ټینګار وکړ.
د مصالحې عالي شورا مشر ډاکټر عبدالله د ناستې ګډونوالو ته وویل، چې پلاوی له بشپړ صلاحیت سره راغلی تر څو په بشپړ ډول په ټولو اساسي موضوعاتو بحث او خبرې وکړي.
د نوموړي په خبره ورسته له پرانیستې وینا څخه دواړو پلاوو ترمنځ خبرې پیل شوې او دا مذاکرات به دوام پیدا کوي.
په همدې حال کې د طالبانو د پلاوي مشر ملا عبدالغني برادر په خپله وینا کې د سولې د تامین او د ولس د سوکالۍ لپاره پر ګډې همکارۍ ټینګار وکړ.
هغه وویل د لسو میاشتو په اوږد کې مذاکراتو له تمې سره سمه پایله نه درلوده نو له همدې امله یې نوی مذاکراتي ټیم له رهبرۍ څخه ټاکل شوی څو مذاکرات سرعت پيدا کړي.
د یادونې وړ ده چې د دواړو لورو ترمنځ د پرانستې ناسته پای ته ورسېده او سبا به یې اصلې مذاکرات پیل شي.
کلید ګروپ په ټویټر او فیسبوک کې وګورئ
