له دغه وزارت څخه د جمعې په ورځ په خپره شوې خبرپاڼه کې راغلي، په تېرو ۲۴ ساعتونو کې د افغان ځواکونو په هوایي او ځمکنیو بریدونو کې ۲۰۸ وسله وال طالبان وژل شوي او ۱۵۳ نور ټپیان شوي دي.
همدارنګه د هغوی ګڼې وسلې او ۱۱ کړۍ ماینونه هم شنډ شوي دي.
طالبانو ته دغه مرګ ژوبله کونړ، ننګرهار، غزني، پکتیا، کندهار، زابل، هرات، بادغیس، بلخ، سمنګان، جوزجان، هلمند، نیمروز، کندوز او تخار ولایتونو کې اوښتې ده.
تېره ورځ هم د ډېر شمېر وسله والو طالبانو د وژل کېدو خبر ورکړل شوی و.
خو وسله والو طالبانو ځانته د اوښتې مرګ ژوبلې په تړاو څه نه دي ویلي.
