په مسکو کې د وسلوالو طالبانو د څلور کسیز پلاوي په استازیتوب مولوی شهاب الدین دلاور خبریالانو ته وویل، چې د زلمي خلیلزاد په لاس یې حکومت ته د خبرو لپاره یو وړاندیز لېږلی و، چې تر اوسه یې ځواب نه دی ترلاسه کړی.
د ده په خبره په واندیز کې افغان حکوت ته ویل شوي و، چې د ۹۰ ورځو لپاره به جګړه درول کېږي ترڅو د خبرو لپاره د باور فضا برابره شي.
نوموړي همدارنګه وویل چې امریکا د دوحې تړون په سم ډول نه دی عملي کړی او ډېرې برخي یې د کاغذ پرمخ پاتې دي.
د نوموړي په خبره وسلوال طالبان نه غواړي چې ولایتونه سقوط کړي او نه داسې عمل کوي چې په هغې کې د افغانانو وینه تویه شي.
افغان حکومت د وسلوالو طالبانو دغو خبرو ته تازه کوم غبرګون نه دی ښودلی؛ خو تر دې وړاندې یې ویلي و، چې طالبانو جګړې ته مخه کړې او د خبرو مېز یې پرېښی دی.
کلید ګروپ په ټویټر او فیسبوک کې وګورئ
