دغه ځوانان د پنجشنبې په ورځ د کندهار ولایت په اطلاعاتو او فرهنګ ریاست کې د افغان امنیتي ځواکونو او نظام پر ملاتړ راټول شوي وو.
هغوی د جګړې پر دواړو لورو غږ وکړ چې له شخصي غوښتنو تېر شي او روانه وینه توییدنه ودروي.
د دوی په وینا، که د افغانستان مسله د سولې له لارې حل نه شي او روانه جګړه همداسې دوام وکړي، ناوړه پایلې به ولري.
د کندهار خلګ پر داسي مهال د سولې او جګړې درېدو غوښتنه کوي چې اوسمهال جګړې د ولایتونو تر دروازو رارسېدلې دي.
ښکېل لوري یو بل سولې ته پر نه ژمنتیا تورنوي.
