له دغه وزارت څخه په خپره شوې خبرپاڼه کې راغلي، په همدې موده کې د افغان سرتېرو په بریدونو کې ۲۳۹ وسله وال طالبان وژل شوي، ۱۵۷ ټپيان او دوه تنه له وسلو سره یوځای نیول شوي دي.
همدارنګه د طالبانو له لوري ۱۸ کړۍ خښ شوي ماینونه او په ډېره اندازه وسلې هم له منځه وړل شوې دي.
طالبانو ته دغه مرګ ژوبله په لغمان، لوګر، پکتیکا، غزني، کندهار، فراه، غور، بادغیس، بلخ، سمنګان، هلمند، نیمروز، بدخشان، کندز او کابل ولایتونو کې اوښتې ده. تېره ورځ هم د ګنو وسله والو طالبانو د وژل کېدو خبر ورکړل شوی و.
طالبانو که څه هم په دې اړه غبرګون نه دی ښودلی، خو په ځینو ولسوالیو کې یې بیا د افغان سرتېرو د مرګ ژوبلې ادعا کړې ده.
