د ننګرهار د والي ویاند عطالله خوګیاڼی د طالبانو دا ادعا بې بنسټه بولي او وایې چې د دغې ولسوالۍ مرکز د خلکو د غوښتنې او د نظامي شورا له پرېکړې سره سم وړاندې له اصلي سیمې بل ځای ته لېږدول شوی او په عادي شکل یې چارې دوام لري.
خوګیاڼی د حصارک ولسوالۍ د اصلي مرکز د تغییر لاملونه په سیمه کې د خلکو کورونه او ناسم موقعیت یادوي.
دا په داسې حال کې ده چې د طالبانو ویاند ذبیح الله مجاهد پر خپله ټوېټر پاڼه لیکلي د ننګرهار حصارک ولسوالۍ د دوی لاس ته لوېدلې او ولسوالي د دوی تر کنټرول لاندې ده.
کلید ګروپ په ټویټر او فیسبوک کې وګورئ
