د یادې ادارې په خبرپاڼه کې لیکل شوي چې د امریکایي سرتېرو د وتلو پر مهال دا سیسټم غیر فعال شوی و او تېره ورځ ناوخته د دې ادارې د تخنیکي ټیم له لوري بیرته فعال شو.
خبرپاڼه زیاتوي، دا دوه سیسټمونه به د بګرام هوايي ډګر او حامد کرزي نړیوال هوايي ډګر د الوتکو لارښود لپاره کارول کېږي.
د یادولو وړ ده چې اوسمهال د بګرام هوایي اډې ټول مسولیت افغان سرتېرو ته سپارل شوی دی.
د دفاع وزارت چارواکي وایي، تر دې وروسته به افغان سرتېري له دغه هوایي ډګر څخه د ترهګرۍ پر وړاندې مبارزې ته دوام ورکړي.
