د ۲۱۷ پامیر قول اردو قومندان عباس توکلی وایي، د طالبانو پر وړاندې د افغان سرتېرو د عملیاتو او بریدونو په پایله کې ګڼو وسله والو طالبانو ته مرګ ژوبله اوښتې ده.
د ده په وینا، په دغو بریدونو کې ۳۰ طالبان وژل شوي او ۱۰ نور ټپیان شوي دي.
هغه زیاتوي چې د افغان سرتېرو د بریدونو پر مهال د طالبانو ګڼې وسلې هم له منځه وړل شوې دي.
د یادولو وړ ده چې تېره ورځ وسله والو طالبانو د بدخشان ولایت په ګډون د یو شمېر نورو ولایتونو د ځینو ولسوالیو د نیولو خبر ورکړ.
خو افغان امنیتي چارواکي وایي چې ډېر ژر به د عملیاتو په پایله کې د طالبانو له خوا نیول شوې ولسوالۍ بیرته پاکې کړي.
