ده زیاته کړې چې یو شمېر سرتېري به تر یو وخته په افغانستان کې مېشت وي.
دا څرګندونې داسې مهال ترسره کېږي چې پرون له بګرام هوایي اډې څخه ټول امریکایي سرتېري ووتل او د دې سترې اډې مسولیت افغان سرتېرو ته وسپاره.
د افغانستان دفاع وزارت بیا ویلي چې افغان ځواکونه به تر دې وروسته له بګرام هوایي اډې څخه د ترهګرۍ پر وړاندې مبارزې ته دوام ورکړي.
طالبانو بیا له بګرام هوایي اډې څخه د امریکایي سرتېرو وتل ستایلي دي.
د دې ډلې د قطر دفتر ویاند ډاکتر محمد نعیم ویلي چې په هېواد کې د شته ستونزو حل د ټولو مسولیت دی او پر مقابل لوري یې غږ کړی چې د یاد مسولیت ترسره کولو لپاره هڅې وکړي.
