له دغه وزارت څخه په خپره شوې خبرپاڼه کې راغلي د کورنیو چارو سرپرست جنرال عبدالستار میرزکوال نن په رهبرۍ غونډه کې له لومړي ساتنمن میرویس سره ټلېفوني اړیکه ونیوه او په هرات ولایت کې یې د موټربم شنډولو له امله د نوموړي زړورتیا او ترسره کړې چاره وستایله.
میرزکوال د هرات ولایت په غوریان ولسوالۍ کې د ملي پولیسو د ځانګړو ځواکونو د تېرې شپې مېړانه بېسارې یاده کړه او دوی ته یې د مالي مکافاتو سربېره، لومړي ساتنمن میرویس او په پېښه کې یوه وژل شوي شوي منسوب ته یوه، یوه فوق العاده رتبه هم منظوره کړه.
د یادونې وړ ده چې تېره شپه وسلوالو طالبانو د هرات پر غوریان ولسوالۍ د موټر بم برید پلان درلود چې هدف ته له رسېدو وړاندې د لومړي ساتنمن میرویس له لورې شنډ کړی شو.
کلید ګروپ په ټویټر او فیسبوک کې وګورئ
