د دغه وزارت خبرپاڼه وایي، په تېرو ۲۴ ساعتونو کې د افغان سرتېرو په هوایي او ځمکنیو بریدونو کې ۱۶۶ طالب جنګیالي وژل شوي، ۸۲ نور ټپیان شوي او شپږ تنه ژوندي نیول شوي دي.
د خبرپاڼې په وینا، په همدې موده کې د طالبانو له خوا ۳۴ کړۍ خښ شوي ماینونه او وسلې له منځه وړل شوې دي.
طالبانو ته دغه مرګ ژوبله په ننګرهار، لغمان، خوست، لوګر، غزني، میدان وردک، کندهار، بادغیس، هرات، هلمند، بدخشان او پروان ولایتونو کې اوښتې ده.
تېره ورځ هم د افغان سرتېرو په بریدونو کې ۲۳۵ وسله وال طالبان وژل شوي وو.
طالبانو که څه هم د دفاع وزارت د دې ادعا په تړاو څه نه دي ویلي، خو په یو شمېر ولایتونو کې یې د افغان سرتېرو د مرګ ژوبلې خبر ورکړی دی.
