د ارګ له لوري په خپره شوې خبرپاڼه کې راغلي، په دې کتنه کې یو ځل بیا د مخابراتو په برخه کې پر پانګوونې او شفافیت ټینګار وشو.
جمهور رییس ویلي چې په هېواد کې د ټلیفوني مکالمو لوړه بیه او په ټیټ کیفیت انټرنېټ په هېڅ صورت د منلو نه دي.
د هیواد جمهوررئيس د آکشن او مارکېټ د تنظیم په برخه کې د اترا ادارې وروستۍ هڅې وستايلې او زیاته یې کړه، اترا اداره د ډیجيټالي ایکوسیستم يوه مهمه برخه ده او باید د ایکوسیستم ټول غړي له نېږدې کار وکړي، څو په دې برخه کې وضعیت لا غوره شي.
د یادولو وړ ده چې هېوادوال هم د انټرنېټ او ټلیفوني مکالمو د لوړو بیو له امله شکایت کوي.
