له اراګ څخه په خپره شوې خبرپاڼه کې راغلي چې په دغه غونډه کې د امنیتي او دفاعي سکتور مسوولینو د هیواد د امنیتي وضعیت په برخه کې د وروستیو انکشافاتو په هکله خپل راپور او د د وسلوالو د تحرکاتو د دفعې او مخنیوي په اړه خپل پلانونه او برنامې وړاندې کړې.
خبرپاڼه زیاتوي جمهوررییس اړوندو مسوولینو ته لارښوونه وکړه چې د وسلوالو مخالفینو د ګواښونو د دفعې په هدف په بېلابېلو مدیریتي او تاکتیکي سطحو کې لازم اقدامات ترسره کړي.
دا ناسته داسې مهال کېږي، چې لاهم په ګڼو ولایتونو کې جګړې روانې دي او طالبان د پنځو نورو ولسوالیو د نیولو پخلی کوي، خو دفاع وزارت بیا وایي، چې وسلوال طالبان د هېواد په ۱۴ ولایتونو کې ځپلي دي او د لسګونو طالبانو د وژل کېدو ادعا کوي.
کلید ګروپ په ټویټر او فیسبوک کې وګورئ
