د کابل د امنیه قوماندانۍ ویاند فردوس فرامرز کلید ته وویل، ترهګرو نن سهار د کابل کلکان ولسوالۍ اړوند بابوش سیمه کې یو کړۍ ماین ځای پر ځای کړی و، چې د پولیسو لخوا کشف او چاودنه ورکړل شوه.
د نوموړي په خبره پولیسو همدارنګه د کابل په کلکان ولسوالۍ کې د راکټ یوه مرمۍ او یو کړۍ ماین د قلعه میرای په سیمه کې کشف او شند کړل.
دی زیاتوي یاد چاودېدونکي توکي د ترهګرو لخوا خوندي شوي وو، ترڅو په ترهګریزو بریدونو کې ترې ګټه واخلي؛ خو د کابل پولیسو یې پلان شنډ کړ او د ګڼو ملکي وګړو ژوند یې وژغوره.
کلید ګروپ په ټویټر او فیسبوک کې وګورئ
