له دغه وزارت څخه په جلا خبرپاڼو کې راغلي چې تېره ورځ افغان ځواکونو په کندها، هلمند او زابل ولایتونو کې د وسلوالو طالبانو پر ضد عملیات کړي چې په پایله کې ۱۰۲ تنه وسلوالو طالبانو وژل شوي دي.
د خبرپاڼې له مخې د کندهار ولایت پنجوایي، غورک، خاکریز او ژیړۍ ولسوالیو کې د عملیاتو په پایله کې ۵۷تنه طالبان وژل شوي او ۱۱تنه نور تپیان شوي.
همدارنګه افغان ځواکونو د هوایي قواوو پر ملاتړ دهلمند ولایت ګرشک ولسوالۍ کې د عملیاتو پر مهال ۲۳تنه وسلوالو طالبان وژلي دي او ۱۲ تنه نور یې تپیان کړي دي.
خبرپاڼه همدارنګه زیاتوي افغان ځواکونو د زابل ولایت میزان ولسوالۍ اړوند سیمو کې د عملیاتو په پایله کې ۲۲تنه طالبان وژلي او اته تنه نور یې ټپیان کړي دي.
وسلوالو طالبانو تر اوسه په دې تړاو څه نه دي ویلي، خو د دې ډلې ویاند ذبیح الله مجاهد بیا پر خپله ټوېتر پاڼه د هلمند ګرشک، د بلخ شور تپه، د میدان ورګ ولایت چک ولسوالیو اړوند ځینو برخو کې د پرمختګ خبر ورکړی.
کلید ګروپ په ټویټر او فیسبوک کې وګورئ
