د دغه ولایت د ولایتي شورا رییس فضل الحق احسان د جمعې په ورځ کلید ته وویل، تېره شپه له دې ولسوالۍ څخه ټول کومانډو او نورو سرتېري په الوتکه کې مرکز ته راوړل شوي دي.
د هغه په خبره، د سرتېرو رالېږد د غور ولایت د نظامي شورا او ۲۰۷ ظفر قول اردو په مشوره شوی دی.
احسان بیا هغه اوازې رد کړې چې ګواکي طالبانو دې دا ولسوالي نیولې وي.
دا په داسې حال کې ده چې د غور یو شمېر نورو چارواکو طالبانو ته د دې ولسوالۍ د سپارلو خبر ورکړی.
طالبانو بیا تر اوسه په دې اړه نظر نه دی څرګند کړی.
