د کونړ د امنیه قومندانۍ ویاند فرید دهقان کلید ته وویل، نن سهار شاوخوا شپږ نیمې بجې د کونړ په مرکز اسداباد کې د هاوان دوه مرمۍ لګېدلي، چې یوه مرمۍ د ملکي وګړیو د کورونو تر څنګ لګېدلې او بله یې د اسداباد مرکزي روغتون کې لګېدلې، چې له امله یې روغتون کې اور لګېدلی.
دهقان وایي، د یادو مرمیو د لګیدو له امله چا ته ځاني زیان نه دی اوښتی؛ خو مالي زیان یې اړولی دی.
دا مرمۍ د کونړ مرکز اسداباد ته مخامخ د ډیورنډ فرضي کرښې په اوږدو کې له غرونو راویشتل شوي؛ خو مالومه نه ده چې چا ویشتلي دي.
تراوسه د یادې پېښې مسولیت چا نه دی منلی.
کلید ګروپ په ټویټر او فیسبوک کې وګورئCopyright 2020 © TKG: A public media project of DHSA
