جمهور رییس زیاته کړې چې افغانستان او ایران دواړه ګاونډي هېوادونه دي او هیله یې څرګنده کړې چې تر دې وروسته به د تهران او کابل تر منځ په بېلابېلو برخو کې همکاري لا ډېره شي.
د ايران نوي ټاکل شوې ریيس سيد ابراهيم ریيسي هم د جمهور رییس غني له ټليفوني اړیکې مننه کړې او د دواړونو هېوادونو ترمنځ يې د اړيکو او همکاريو پر پراختيا ټينګار کړی.
د یادولو وړ ده چې ابراهیم رییسې د شنبې په ورځ د ایران په ترسره شوو ټاکنو کې د اکثریت رایو په تر لاسه کولو د دغه هېواد نوی جمهور رییس وټاکل شو.
خو د امریکا په ګډون یو شمېر نورو هېوادونو بیا ویلي چې په دغو ټاکنو کې ګڼ کسان د رایې ورکولو له حق څخه محروم شوي دي.
