د امنیتي سکټور ویاند اجمل عمر شینواري په همدې هدف جوړې شوې غونډې ته وویل چې په امنیتي سکټور کې د نوي بدلون په راتګ سره به اوسنی امنیتي حالت په بشپړه توګه مدیریت شي.
په ورته وخت کې په ستراتیژیکو چارو کې د جمهور رییس سلاکار وحید د طالبانو ځینو خوځښتونو ته په اشارې سره وایي چې طالبان نور د خلکو په زړونو کې ځای نه لري.
هغه زیاته کړه چې په وروستۍ میاشت کې د طالبانو توره څېره خلکو ته ښکاره شوه او په تېرو ۲۴ ساعتونو کې په ټول هېواد کې د دې ډلې پر وړاندې خلک د افغان سرتېرو تر څنګ درېدلي دي.
هغه زیاته کړه چې طالبان په هېڅ ولسوالۍ کې د تل لپاره نه شي پاتې کېدای او د امنیتي حالت ښه کېدو لپاره به امنیتي ادارې جدي هڅې وکړي.
د امنیتي سکټور په مطبوعاتي برخه کې پر داسې مهال دا بدلون راځي چې اوسمهال د هېواد ډېری ولسوالۍ له جدي امنیتي ګواښ سره مخ دي.
خو امنیتي ادارې بیا د دغو ګواښونو د مخنیوي خبر ورکوي.
