له دغه وزارت څخه په خپره شوې خبرپاڼه کې لیکل شوي چې د افغان سرتېرو په متقابلو بریدونو کې ۱۷۲ طالبان وژل شوي او ۵۳ نور ټپیان شوي دي.
همدارنګه ۵۶ کړۍ ماینونه چې د طالبانو له لوري ځای پر ځای شوي وو، شنډ شوي دي.
طالبانو ته دغه مرګ ژوبله په ننګرهار، لغمان، ارزګان، کندهار، زابل، فاریاب، بلخ، هلمند، نیمروز او کندز ولایتونو کې اوښتې ده.
طالبانو ځانته د اوښتې مرګ ژوبلې په تړاو څه نه دي ویلي، خو په ځینو سیمو کې یې د افغان سرتېرو د مرګ ژوبلې خبر ورکړی.
