هغه زیاتوي، د طالبانو د بریدونو ډېرېدل او په هېواد کې رواني جګړې هېوادوال سخت اندېښمن کړي دي.
نوموړي له حکومت وغوښتل چې د جګړې په مدیریت کې لازم بدلونونه راولي او جنګي مدیران د تجربو پر اساس وټاکي.
رحماني د حکومت مشرانو او سیاسي رهبرانو ته په خطاب کې وویل چې افغانستان اوسمهال تر بل هر وخت سترې سیاسي اجماع ته اړتیا لري.
دا په داسې حال کې ده چې په دې وروستیو کې یو شمېر ولسوالۍ د نښتو له امله د افغان سرتېرو او طالبانو تر منځ لاس په لاس شوې دي.
خو افغان حکومت وایي، ډېر ژر به هغه ولسوالۍ بیرته ونیسي چې د تکتیکي شاه تګ په پایله کې خوشې شوې دي.
