له سپینې ماڼۍ څخه په خپره شوې اعلامیه کې دا خبره شوې او زیاته شوې چې له هغه سره به په یاد سفر کې د مصالحې شورا مشر ډاکتر عبدالله عبدالله هم ملتیا کوي.
اعلامیه زیاتوي چې په دې سفر کې به د بهرنیو ځواکونو تر وتلو وروسته د افغان او امریکایي چارواکو تر منځ د سیاسي مشارکت پر دوام خبرې وشي.
د سرچینې په وینا، امریکا له افغانستان سره په بشري، اقتصادي او په ځانګړي ډول د مېرمنو د ملاتړ په برخه کې خپلو مرستو ته ژمنه ده او له ښکېلو اړخونو یې غوښتنه کړې چې د سولې لپاره معنا لرونکې خبرې وکړي.
دا لومړی ځل دی چې د جوبایډن په مشرۍ د امریکا نوی حکومت د افغانستان جمهور رییس محمد اشرف غني او د مصالحې شورا مشر ډاکتر عبدالله عبدالله ته د سفر بلنه ورکوي.
تر دې وړاندې د نامعلومو دلیلونو پر اساس دا سفر ځنډول شوی و.
