هغه وویل، نن ماسپښین شاخوا درې نیمې بجې د جلال اباد ښار درېیمې ناحیې اړوند په کابل هډې سیمه کې نا پېژندو وسله والو د سرحدي لېوا یوه ښځینه پولیسه په ډزو وژلې او عاملین یې له سیمې تښتیدلي دي.
د فرید خان په خبره، وژل شوې پولیسې په سرحدي لېوا کې دنده درلوده.
د یادونې ده چې څومیاشتې وړاندې هم د همدې ناحیې په مربوطاتو کې د بصیرې په نوم بله یوه ښځینه پولیسه وژل شوې وه.
په دې وروستیو کې جلال اباد ښار کې هدفي وژنې بیا زیاتې شوي چې هېوادوال یې سخت اندېښمن کړي دي.
د دې پېښې مسولیت چا نه دی منلی.
