د اطلاعاتو او فرهنګ وزارت ویاند صابر مومند د یکشنبې په ورځ کلید ته د هغه مړینه تایید کړه.
عبدالله مقری تر دې وړاندې په کورونا ناروغۍ اخته شوی وی و او په روغتون کې یې درملنه کېدله.
تر دې مخکې هم د نوموړي د مړینې اوازې خپرې شوې وې.
عبدالله مقری د هېواد وتلی سندرغاړی بلل کېږي او تر دې دمه یې سلګونه سندرې ويلي، چې د حماسي سندرو په ویلو کې خورا ښه نوم لري.
عبدالله مقری د مولوي عبیدالله زوی دی چې د غزني ولایت په مقر ولسوالۍ کې زېږېدلی دی.
