اعلامیه زیاتوي، په دې غونډه کې د یادو مسایلو تر څنګ د اقتصادي او سیاسي اړیکو پر پراختیا، د پروژو پر پلي کېدو او له ترهګرۍ سره پر ګډې مبارزې هوکړه وشوه.
د بهرنیو چارو وزیر محمد حنیف اتمر د ناستې ګډونوالو ته ویلي چې افغانستان د اوږدې جګړې او افراطیت قرباني شوی هېواد دی او د دې جګړې د پایته رسېدو لپاره سیمهییز ملاتړ ته جدي اړتیا ده.
نوموړي څرګنده کړې چې له هېواد څخه د بهرنیو ځواکونو وتل د سولې راتګ لپاره یو فرصت دی او په وینا یې، د روسیې، قطر او هند تر څنګ ترکیه او ایران هم د سولې لپاره د لیدلورو په یوځای کېدو کې مهم رول لرلی شي.
د ده په خبره، د کورنۍ اجماع تر څنګ د ترهګرۍ مخنیوي لپاره نړیوالې اجماع ته هم جدي اړتیا ده.
په ورته وخت کې د ایران او ترکیې د بهرنیو چارو وزیرانو محمد جواد ظریف او مولود چاووش اغلو په هېواد کې د اقتصادي پروژو پر پلي کېدو هم ټینګار کړی دی.
