هغه زیاته کړې چې طالبان سولې ته لېوال نه دي، دا جګړه هغوی پیل کړې او مسولین یې همدوی دي.
د جمهور رییس په وینا، افغان حکومت د سولې لپاره پلان او طرحه لري او په دې برخه کې یې خپله پوره ژمنتیا څرګنده کړې ده.
ده یو ځل بیا وویل چې اوسنۍ جګړه هېڅ مشروعیت نه لري او په خبره یې، که طالبان واک غواړي، نو حل لاره یې د خلکو رایه ده او باید ټاکنې ومني.
نوموړي پر طالبانو غږ وکړ چې د افغانانو پر وړاندې دښمنۍ ته دوام ورکول پرېږدي او په خبره یې، که طالبان دې چارې ته دوام ورکړي، ولس به یې په ټینګه ځواب ووایي.
جمهور رییس د ملکي مرګ ژوبلې ډېرېدو ته په اشارې پر نړیوالې ټولنې غږ وکړ چې د طالبانو په اړه بې طرفه پاتې نه شي او دا ومني چې طالبان بشري حقونه تر پښو لاندې کوي.
په ورته وخت کې د ملي دفاع، کورنیو چارو او کلیو پراختیا وزارتونو سرپرست وزیرانو ژمنه کړې چې د واحد ټیم په توګه به خپلو دندو ته دوام ورکوي.
