د دې قول اردو ویاند ایمل خان مومند وایي، تېره ورځ وسله والو طالبانو د پکتیا ولایت د اریوب ځاځیو ولسوالۍ د «بیانخېلو» په سیمه کې د ۲۰۳ تندر قول اردو د سرحدي ځواکونو په پوسته ډله ییز برید وکړ، چې په سیمه کې مېشت د دفاعي ځواکونو د کلک غبرګون او د هوايي قواوو د ضربو مخ شوه.
د نوموړي په خبره د بریدونو په پایله کې د ۱۱ پاکستانيو او ۲ مشهورو قوماندانانو په ګډون ۲۷ تنه وسله وال طالبان ووژل شول او ۱۲ تنه یې ټپيان شول، او یو زیاته اندازه وسلې او مهمات یې هم تخريب شول.
د ایمل مومند په خبره په یادو نښتو کې د سرحدي ځواکونو ۳ تنه امنیتي منسوبین هم وژل شوي او ۶ تنه نور ټپیان شوي دي.
وسلوالو طالبانو بیا په دې تړاو څه نه دي ویلي.
کلید ګروپ په ټویټر او فیسبوک کې وګورئ
