د ملی امنیت شورا په خبرپاڼه کې راغلي چې حمدالله محب به په دغه سفر کې د قزاقستان هېواد له یو شمېر لوړپوړو سیاسي او امنیتي مقاماتو سره وګوري.
دا سفر داسې مهال کېږي چې دوه ورځې وړاندې د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د قزاقستان له جمهور رییس قاسم جومارت توقاییف سره پر افغان سوله خبرې کړې دي.
د قزاقستان جمهوررییس ویلي، د روسیې، چین او د نورو هېوادونو او نړیوالو سازمونو له مشرانو سره یې تل د افغانستان مساله راپورته کړې ده.
کلید ګروپ په ټویټر او فیسبوک کې وګورئ
