له دغه وزارت څخه په خپره شوې خبرپاڼې کې راغلي چې افغان ځواکونو په تېرو ۲۴ ساعتونو کې ۱۴۸ تنه طالبان وژلي، ۱۶۱تنه یې ټپیان کړي او ۴ تنه نور یې نیولي دي.
د خبرپاڼې له مخې په دغو عملیاتو او بریدونو کې د وسلوالو طالبانو یوه اندازه وسلې او مهمات هم له منځه وړل شوي دي.
خبرپاڼه زیاتوي وسلوالو طالبانو ته دغه مرګ ژوبله د هېواد په ننګرهار، غزني، پکتیا، لوګر، بامیان، کندهار، زابل، هرات، بادغیس، فاریاب، هلمند او کندز ولایتونو اوښتې ده.
وسلوالو طالبانو تر اوسه په دې تړاو څه نه دي ویلي؛ خو ددې ډلې ویاند ذبیح الله مجاهد بیا پر خپله توېټر پاڼه کې په یو شمېر ولایتونو کې د امنیتي پوستو د نیولو ادعا کړې.
کلید ګروپ په ټویټر او فیسبوک کې وګورئ
