د دغه وزارت د ویاند مرستیال احمد ضیا ضیا کلید ته وویل، تېره شپه لس بجې یوه کورنۍ د انجیل ولسوالۍ نو آباد سیمې اړوند یوه باغ ته د تفریح په هدف تللې وه، چې هلته د نامعلومه وسلوالو له برید سره مخ شوې چې د برید په ترڅ کې ۱۴تنو ته مرګ ژوبله اوښتې.
د نوموړي په وینا په پېښه کې د یوه ماشوم په ګډون دوه مېرمنې وژل شوي دي او ۱۱تنه نور چې ماشومان او مېرمنې پکې شاملې دي ټپیان شوي دي.
د ده په خبره ټپیان روغتون ته پر وخت انتقال شوي او پېښه د پولیسو تر جدي څېړنو لاندې ده.
تر اوسه د یاد برید مسوولت کومې وسلوالې ډلې نه دی منلی.
کلید ګروپ په ټویټر او فیسبوک کې وګورئ
