د سیمه ییزو ارګانونو خپلواکې اداره وایي، چې د دوی د وړاندیز او د جمهوررییس غني د حکم له مخې عبداولي واحدزی د لغمان ولایت د نوي والي په توګه ټاکل شوی دی.
عبدالولي واحدزی تر دې وړاندې د خوست ولایت د ولایتي شورا رییس په توګه دنده مخ ته وړې.
تر عبدالولي واحدزي وړاندې رحمت الله یارمل د لغمان د والي توګه دنده مخ ته وړه چې تېره ورځ یې د خپل ماموریت د پای ته رسېدو خبر ورکړ.
د لغمان والي رحمت الله یارمل داسې مهال له دندې ګوښه کېږي چې څو اوونۍ وړاندې په لغمان ولایت یو شمېر خلکو د نوموړي د ګوښه کېدو په تړاو لاریونونه وکړل او نوموړی یې په کم کارۍ، فساد او د ولسونو ترمنځ په نفاق تورن کړی و، خو د لغمان والي بیا دا تورونه رد کړي وو او ویلي یې و چې هر کس ته د حساب ورکولو لپاره چمتو دی.
کلید ګروپ په ټویټر او فیسبوک کې وګورئ
