په قزاقستان کې د امریکا سفارت په یوې اعلامیه کې ویلي چې تېره ورځ زلمي خلیلزاد د قزاقستان جمهوررییس سره د افغان سولې په اړه او پر یو شمېر نورو موضوعاتو خبرې کړي دي.
په لیدنه کې د قزاقستان جمهوررییس د افغان سولې پروسې اړوند یې د خپلې همکارۍ ډاډ ورکړی او زیاته کړې یې ده چې تل یې د افغانستان په اړه له روسیې، چین او د نورو هېوادونو او نړیوالو سازمانونو له مشران سره خبرې کړي دي.
دا لیدنه داسې مهال کېږي چې قزاقستان او د منځنۍ اسیا هېوادونو له افغانستان د بهرنیو ځواکونو له وتلو وروسته د سخت دریځو وسلوالو فعالیتونو ته اندېښنه لري او ویره یې داده چې د یادو ډلو فعالیتونو د دوی تر هېوادونو ونه رسي.
د افغان سولې لپاره د امریکا هڅې داسې مهال روانې دي چې افغانستان د سختو جګړو شاهد دی او د ښکېلو خواوو ترڅنګ پکې ملکي وګړو ته هم مرګ ژوبله اوښتې.
کلید ګروپ په ټویټر او فیسبوک کې وګورئ
