هغه تر دې وړاندې پر کورونا ناروغۍ اخته شوی و او نن سهار یې ساه ورکړې ده.
محمد نبي مصداق تر دې وړاندې د بي بي سي راډیو خبریال او په بریټانیا او امریکا کې یې د پوهنتون د استاد په توګه هم دنده ترسره کړې ده.
تر دې وړاندې د هېواد د وتلي سندرغاړي عبدالله مقري د مړیني خبر هم خپور شوی و، خو د هغه زوی ویلی چې پلار یې ژوند دی او تر درملنه لاندې دی.
د یادولو وړ ده چې په دې وروستیو کې د کورونا ویروس د مثبتو پېښو له ډېرېدو سره پر یو وخت له دې ناروغۍ څخه د مړینو شمېر هم ډېر شوی او ګڼ کسان ترې مړه شوي دي.
روغتیایي چارواکي له هېوادوالو غوښتنه کوي چي دا ناروغي جدي وبولي او روغتیایي لارښوونو ته پام وکړي.
