د دغه ولایت د امنیه قومندانۍ ویاند ګل حیدر احمدي د یکشنبې په ورځ کلید ته وویل، وسله والو طالبانو پرون غرمه مهال مولوي سمیع الله راشد وژلی دی.
دی زیاتوي، دا مولوي د بابوس سیمې ته د یوې جنازې لپاره تللی و چې د طالبانو له لوري تر نیول کېدو وروسته د مرکز پل علم اړوند په سید محمود غازي سیمه کې په وحشیانه ډول وژل شوی دی.
د احمدي په وینا، دغه مولوي په یاده سیمه کې د یو ښوونځي د امر په توګه دنده تر سره کوله.
که څه هم امنیتي چارواکي دا د وسله والو طالبانو کار بولي، خو تر اوسه طالبانو په دې اړه څه نه دي ویلي.
تر دې وړاندې هم په بېلابېلو بریدونو کې دیني عالمان په نښه شوي دي.
