د یاد وزارت خبرپاڼه وایي، په دې لیدنه کې د ناورې سفیر په بروکسل کې د ناټو د غونډې په تړاو د بهرنیو چارو وزیر ته معلومات ورکړل او د دواړو مشرانو تر منځ د افغانستان د سولې پر مسله او د ناټو د همکاریو پر دوام خبرې وشوې.
په ورته وخت کې حنیف اتمر د ناټو د همکاریو دوام غوښتنه کړې ده.
له بهرنیو چارو وزارت څخه په یوه بل خبرپاڼه کې راغلي چې اتمر په کابل کې د اورپایي ټولنې له استازي سره هم کتلي دي.
د اورپایي ټولنې استازي ډاډ څرګند کړی چې دا ټولنه به د بهرنیو ځواکونو تر وتلو وروسته هم له افغانستان سره خپلو مرستو ته دوام ورکړي.
د هېواد د بهرنیو چارو وزیر بیا د سیمهایز اتصال او انرژۍ لیږد پروژو پلي کېدل د سیمې د ثبات لپاره مهم بللي دي.
اورپایي ټولنه پر داسې مهال له افغانستان سره د خپلو مرستو د دوام خبر ورکوي چې ټاکل شوې ډېر ژر بهرني سرتېري له افغانستان څخه ووځي، خو نړیواله ټولنه به د افغانستان ملاتړ ته دوام ورکوي
