د امنیه قوماندانۍ ویاند انعام الدین رحماني وايي، وسلوالو طالبانو تېره شپه د کندز په خان آباد او علي آباد ولسوالیو کې پر امنیتي پوستو ډله ییز بریدونه وکړل چې د افغان ځواکونو له ځوابیه برید سره مخ شول او ۴۲ تنه وسلوالو طالبانو ته یې مرګ ژوبله واړوله.
د نوموړي په خبره د افغان ځواکونو په ځوابیه بریدونو په دوام علي اباد لسوالۍ کې ۱۲ تنه طالبان وژل شوي او ۱۵ تنه نور یې ټپیان شوي او همدارنګه په خان آباد ولسوالۍ کې د یادې ډلې د سرې قطعې قوماندان سیدجان په ګډون ۱۵ تنه وژل شوي دي.
دی وایي په دغو نښتو کې افغان ځواکونو ته هم مرګ ژوبله اوښتې ده چې یو سرتیری وژل شوی او درې تنه نور ټپیان شوي دي.
وسلوالو طالبانو تر اوسه په دې تړاو څه نه دي ویلي.
کلید ګروپ په ټویټر او فیسبوک کې وګورئ
