د ننګرهار ولایتي مسوولان وایي،دغه کېښتۍ چې خلک یې لېږدول د بهسودو ولسوالۍ اړوند، ګردي کڅ سیمه کې د کونړ سیند په اوبو کې ډوبه شوې.
د والي ویاند عطاالله خوږیاڼي کلید ته وویل، چې په کښتۍ کې د ښځو او ماشومانو په ګډون ۱۰ تنه سپاره وو.
نوموړی وایي، تر دې دمه یو ماشوم ژغورل شوی او د نورو د ژغورلو هڅې روانې دي.
خو بل لورته ځایي خلک بیا وايي، چې تر ۱۵ تنه په کښتۍ کې سپاره وو او په اوبو کې د کېبل د شکېدو له امله په اوبو کې ډوب شوي دي.
د یادونې ده چې له دې وړاندې هم د دې ولایت په مومندرې ولسوالۍ کې له عامو خلکو ډکه یوه کښتۍ په اوبو کې ډوبه شوې وه، چې وروسته یې ټول سپرلي د عامو خلکو له لوري وژغورل شول.
کلید ګروپ په ټویټر او فیسبوک کې وګورئ
