ددې وزارت ویانده ناجیه انوري کلید ته وویل، یاده ناسته تېره ورځ ناوخته په دوحه کې ترسره شوه چې پکې د سولې پروسې او د هغې په مختلفو اړخونو او همدارنګه د افغانستان په سولې کې د سیمې هیوادونو پر رول خبرې وشوې.
د نوموړي په خبره مرکچي پلاوي له زلمي خلیلزاد سره د بین الافغاني مذاکراتو پر ګړنديتوب او په اجنډا کې په مهمو مسايلو بحث او خبرې کړي دي.
دا لیدنه داسې مهال کېږي، چې د افغان حکومت او طالبانو ترمنځ جګړې تر بل هر وخت زور اخیستی، چې دواړه لوري یو بل ته د درنې مرګ ژوبلې اوښتو ادعاوې کوي.
دا په داسې حال کې ده، چې د افغان حکومت او طالبانو ترمنځ د تېر ۲۰۲۰ م کال په سیپټمر میاشت کې مذاکرات پیل شول؛ خو لاهم دا خبرې کومې پایلې ته نه دي رسېدلي.
کلید ګروپ په ټویټر او فیسبوک کې وګورئ
