د دغه ولایت د والي ویاند واحدالله جمعه زاده وایي، یو وسله وال چې غوښتل یې په یاده سیمه کې یو پولیس ترور کړي، هدف ته تر رسېدو وړاندې د هغه دا پلان شنډ شو.
دی زیاتوي، یاد وسله وال له پولیسو سره تر نښتې وروسته له سیمې په تېښته بریالی شوی، خو په خبره یې، له هغه یوه بې غږه تفنګچه او یو عراده موټر پاتې شوي او د پولیسو لاسته ورغلي دي.
تر اوسه کومې وسله والې ډلې په دې اړه تبصره نه ده کړې.
د یادولو وړ ده چې په دې وروستیو کې په هېواد کې وسله وال بریدونه او د امنیتي کسانو ترور ډېر شوی، خو هېوادوال یې له امنیتي بنسټونو د مخنیوي غوښتنه کوي.
