د ننګرهار د والي ویاند عطاالله خوږیاڼي د یکشنبې په ورځ کلید ته وویل، تېره شپه د جلال اباد ښار اوومې ناحیې اړوند په چکنورۍ سیمه کې د کورني تاوتریخوالي له امله د یوې کورنۍ درې مېرمنې په ډزو وژل شوې دي.
د خوږیاني په خبره، د وژل شوو مېرمنو عمرونه د ۲۵ او ۵۰ کلونو تر منځ دي.
هغه وایي، پولیس پر وخت سیمې ته رسېدلي او د قضیې په تړاوو یې یو تن نیولی.
یاده پېښه داسې مهال رامنځته کېږي چې په دې وروستیو کې په ننګرهار کې د ښځو پر وړاندې د تاوتریخوالي قضیې زیاتې شوې دي.
Copyright 2020 © TKG: A public media project of DHSA
