د هرات امنیتي چارواکي مني چې د هرات ولایت د دیني عالمانو شورا مرستیال مولوي محمد کبابیاني باندې نن سهار مهال وسلوال برید شوی.
عیني شاهدان وایي، مولوي محمد کبابیاني نن سهار مهال له کور څخه جومات ته پر لار و چې د نامعلومه وسلوالو تر برید لاندې راوست او هغه یې وواژه.
په همدې حال کې د هرات حوزوي روغتون رییس محمد عارف جلالي کلید ته وویل، چې مولوي محمد کبابیاني رغتون ته په ټپي حالت کې راوړل شوی و چې له سختو ټپونو څخه یې ژوند وبایله.
تر اوسه ددې پېښې مسوولیت چا پر غاړه نه دی اخستي.
دا په داسې حال کې ده چې په دې ورستیو کې د هېواد په بېلابېلو ولایتونو کې هدفي وژنو یو ځل بیا زور اخیستی، چې دې چارې هېوادوال اندېښمن کړي دي.
کلید ګروپ په ټویټر او فیسبوک کې وګورئ
