هغه زیاتوي، په دې سره پر کابل او نورو ولایتونو د برېښنا جریان پرې شوی.
د نیازي په وینا، د برېښنا شرکت تخنیکي ټیم سیمې ته رسېدلی او د ملي اردو په مرسته هڅه کوي چې د پرې شوې برېښنا مزي ژر تر ژره بیرته ونښلوي.
د یادولو وړ ده چې تر دې څو ورځې وړاندې هم د کابل په کارته نو سیمه او کلکان ولسوالۍ کې د برېښنا ستنې په بمونو الوزول شوې وې.
تر اوسه د دغو پېښو مسولیت کومې وسله والې ډلې نه دی منلی او نه هم په دې تړاو د امنیتي بنسټونو له لوري څوک نیول شوي دي.
