د کاپیسا د امنیه قوماندانۍ ویاند عبدالشایق شورش کلید ته وویل، تېره ورځ مازیګر ناوخته د تګاب ولسوالۍ اړوند انار جوی کلي کې د افغان ځواکونو او وسلوالو طالبانو ترمنځ نښته شوې.
د نوموړي په خبره د نښتې په جریان کې د وسلوالو طالبانو د هاوان یوه مرمۍ پر یوه کور لګېدلې ده چې د ماشومانو په ګډون پکې اووه تنه ملکي وګړي وژل شوي او څلور تنه نور یې ټپیان شوي دي.
دی زیاتوي مرمۍ پر هغه کور لګېدلې چې پکې د واده مراسم روان و.
وسلوالو طالبانو بیا په دې تړاو څه نه دي ویلي.
کلید ګروپ په ټویټر او فیسبوک کې وګورئ
