د ننګرهار مومندرې ولسوالۍ په بیلې سیمه کې ولسي خلکو او ځايي جاله وانانو نن سهار هغه ۳۰ کسان ژغورلي، چې کښتۍ یې په سیند کې ډوبه شوې وه.
د ننګرهار د والي ویاند عطاالله خوږیاڼي کلید ته وویل، دمومندرې ولسوالۍ بېلې سیمه کې نن سهار ۹ بجې یوه وړه کښتۍ چې په کې د اته میرمنو او دولس ماشومانو په ګډون دیرش تنه سپاره وو، په اوبو کې ډوبه شوې وه چې هم مهاله د ولسي خلکو، نورو کښتۍ لرونکو او جالاوانانو له لورې ټول له اوبو څخه ویستل شوي او ژوندي ژغورل شوي دي.
د مومندرې ولسوالۍ د بیلې سیمې اوسیدونکي د پل د نشتون له امله ډیر کله د کونړ پر سیند د تیریدو پرمهال له کښتۍ ګټه اخلي.
کلید ګروپ په ټویټر او فیسبوک کې وګورئ
