دا ماشوم پنځه ورځې وړاندې انسان تښوونکو د کابل په خیرخانې سیمه کې تښتولی و.
له دغه وزارت څخه خپره شوې خبرپاڼه وایي، تښوونکو د ماشوم له کورنۍ څخه د هغه د خوشي کېدو په بدل کې د پنځه لکه ډالرو غوښتنه کوله او ګواښ یې کړی و چې د نه ورکړې په صورت کې به ماشوم ووژني.
که څه هم تښتوونکي تر اوسه نه دي نیول شوي، خو امنیتي بنسټونه وایي، دا کسان پېژندل شوي او د پولیسو تر تعقیب لاندې دي.
د یادولو وړ ده چې د هېواد په بېلابېلو برخو کې جنایي جرمونه ډېر شوي او هېوادوال په دې برخه کې د امنیتي ادارو پر لا ډېرو هڅو ټینګار کوي.
